Амбасадата на САД, втора година по ред, организира бесплатни курсеви по англиски јазик  за новинари. Курсевите ќе се оддржуваат во Центарот за странски јазици во Скопје со почеток на наставата на 21 септември 2009. Новинарите ќе можат два пати неделно да посетуваат часови во времетраење од по 90 минути, во тек на 20 недели. Во зависност од нивото на познавање на англискиот јазик ќе бидат организирани курсеви за почетници кои не зборуваат англиски, како и за понапредни групи новинари кои веќе се служат со англискиот јазик. Предност ќе имаат новинари кои покриваат надворешна политика. Амбасадата ќе финансира курсеви за 20 новинари. 

Новинарите кои минатата година го посетуваа овој курс доколку се заинтересирани да продолжат со изучување на англискиот јазик, ќе треба да се пријават во Амбасадата. Оние што годинава за прв пат сакаат да посетуваат часови по англиски јазик ќе треба да достават Писмо на интерес преку електронска пошта, во кое, на најмногу една страница, ќе дадат кратка биографија за себе и за своето новинарско искуство, објаснување зошто се заинтересирани за изучување на англискиот јазик, како и контакт податоци. Овие писма треба да се испратат најдоцна до среда, 9 септември до 16:00 часот на следната електронска адреса cilimann@state.gov.

Тестирањето за утврдување на степенот на познавање  на јазикот ќе се врши во Центарот за странски јазици до 14 септември. 

Сите заинтересирани за подетални информации може да се обратат на: 

Nidija Cilimanova

Senior Media Specialist

U.S. Embassy Skopje

070 350 196

Оваа е-пошта е заштитена од spambots, треба да вклучите JavaScript за да ја видите