Тековни проекти – Македонски институт за медиуми

Јакнење на етичките стандарди за поголема доверба во медиумите

Славчо Миленковски — Wed, 17 Jun 2026 10:41:33 +0000

Иницијативата „Јакнење на етичките стандарди за поголема доверба во медиумите“, што ја спроведуваат Здружението на новинари на Македонија (ЗНМ) и Македонскиот институт за медиуми (МИМ), е посветена на зајакнување на независноста и етичките капацитети на новинарство во земјата. Проектот ќе се спроведува од 1 јануари до 31 октомври 2026 година, со финансиски поддршка од Владата на Швајцарија преку програмата Цивика мобилитас.

Активностите се насочени кон градење на интегритет и отпорност кај медиумските професионалци, преку зајакнување на етичките стандарди и саморегулацијата. Клучна активност е подготвката на нов, современ Кодекс на новинарите. Подготовката на Кодексот подразбира инклузивен и сеопфате процесе со учество на сите релеватни чинители во медиумската сфера, со цел тој да биде широко прифатен и применлив во секојдневната новинарска пракса.

Нашите медиуми: Акција на граѓанското општество за генерирање медиумска писменост и активизам, спротивставување на поларизацијата и промовирање на дијалог

Славчо Миленковски — Wed, 19 Apr 2023 10:12:53 +0000

Зајакнување на капацитетите на граѓанските организации, на медиумските професионалци и активисти, како и на граѓаните со цел подобро да ги разберат трендовите и предизвиците поврзани со слободата и интегритетот на медиумите на Западен Балкан и Турција, се меѓу главните цели на регионалниот проект „Нашите медиуми“ што ќе се спроведува во следните три години (2023-2025).

Проектот ќе се спроведува во Албанија, Босна и Херцеговина, Косово, Црна Гора, Северна Македонија, Србија и Турција, од страна на партнерските организации коишто се дел од Мрежата на Југоисточна Европа за професионализација на медиумите (СЕЕНПМ), Медиацентар (Сараево), Албанскиот медиумски институт, Црногорскиот медиумски институт, Советот за етика во медиумите на Косово, Македонскиот институт за медиуми, Новосадската школа за новинарство, Мировниот институт од Љубљана и Бианет (Турција), а со финансиска поддршка од Европската Унија.

Повеќе

Проект на УСАИД за медиумска писменост “Младите размислуваат“

Славчо Миленковски — Mon, 27 Dec 2021 12:13:42 +0000

Проектот на УСАИД за медиумска писменост “Младите размислуваат“ е петгодишен проект, кој ќе работи на воведување на концептот на медиумската писменост во формалното и неформалното образование за да им помогне на младите да се стекнат со вештини и знаења со кои полесно ќе се снајдат во медиумскиот и дигиталниот свет и ќе се заштитат од манипулации и злоупотреби. Програмата ја спроведува ИРЕКС, американска организација со своја локална канцеларија во Скопје и големо искуство во работата со медиумски и граѓански организации од Балканот, заедно со Македонскиот институт за медиуми, Институтот за комуникациски студии и Младинскиот образовен форум. Сите овие организации носат долгогодишно искуство во полето на медиумската писменост и работата со млади. Активностите на програмата Младите размислуваат се овозможени благодарение на финансиската поддршка од Американската агенција за меѓународен развој.

Проектот “Младите размислуваат“ се надоврзува на веќе постоечкиот пристап на ИРЕКС за обука за медиумска писменост – Учиме да распознаваме. Од 2015 година, Учиме да распознаваме работи со луѓе од најразлични возрасти во повеќе од 20 земји, на создавање вештини и навики кои ќе им помогнат да изградат отпорност против манипулациите со кои секојдневно се соочуваат. За разлика од традиционалните пристапи, Учиме да распознаваме ги приспособува обуките, наставните програми, ресурсите за наставници, игрите и онлајн курсевите на потребите и навиките на луѓето во различни средини и општества. Овој концепт е многу повеќе од проверка на факти, бидејќи користи примери од локални медиуми и им помага на луѓето да ги препознаат предрасудите и емоционалната ранливост на манипулации, како и да разберат како функционираат медиумите, вклучувајќи ги и социјалните мрежи.

Медиумската писменост им помага на учениците да станат помудри конзументи на медиумски содржини, но исто така и да станат подобри креатори на нивните сопствени содржини. Медиумската писменост им помага на учениците да научат како критички да размислуваат. Анализирајќи ги медиумските содржини, низ дискусија на часовите, тие доааѓаат до заклучоци за типот на содржините кои ги гледаат, слушаат или читаат, кој ги правел и со каква цел, какви идеи и ставови тие медиумски содржини им пренесуваат, што е вклучено, а што не, во информацииите кои ги добиваат. Сите анализи покажуваат дека најдобар одговор на дезинформациитe и пропагандата се образовани млади луѓе кои развиваат критички пристап кон информациите.

Новинарска награда „Никола Младенов“ за најдобра истражувачка сторија на годината

M1M_@dm1N-2024 — Fri, 10 Feb 2017 10:28:00 +0000

Времетраење: 2011 –

Донатор: МИМ

Опис:

Македонскиот институт за медиуми секоја година ја доделува наградата за најдобра истражувачка сторија на годината.

Оваа традиционална награда, која започна да се доделува од 2001 година, претставува најпрестижна награда во македонската медиумска заедница.

Покрај тоа, МИМ создаде фонд за поддршка на истражувачки стории и секоја година поддржува околу 10 новинарски идеи за истражувачки стории.