Собранието на корисници го сочинуваат правни субјекти од следниве медиумски сектори:
- јавен сервис
- приватни радија
- приватни телевизии
- приватни печатени медиуми
- професионални организации
Што се добива со членството во МИМ
- Членовите на МИМ делегираат претставници кои учествуваат во работата на органите на управување на институтот (Управен одбор и Собрание на корисници).
- Со тоа, членовите на МИМ учествуваат во дефинирањето на стратегијата и активностите на Институтот, согласно правата и обврските на УО и СК кои се дефинириани во Статутот на МИМ.
- Курсевите кои целосно се финансирани од донации се бесплатни за членовите на МИМ, а оние кои не се членови уплаќаат утврдена котизација.
- При организација на курсеви кои делумно се финансирани преку донации, ќе се утврдува соодветен износ на партиципација што ќе ја покрие разликата до цената на чинење која ќе биде различна за членовите и оние кои не се членови.
- Курсевите кои се организираат по нарачка и се наменети само за одреден/и медиум/и, се наплаќаат под комерцијални услови, а членовите ќе користат соодветен попуст.
- Членовите на МИМ имаат приоритет во воспоставување партнерство за проекти што ги реализира МИМ ( на пр. радио и тв продукција или издаваштво).
- Членовите на МИМ имаат приоритет во добивањето покана за учество на настани (тренинзи, конференции, семинари) во странство, за кои МИМ има надлежност да номинира претставници од Македонија. Учесниците ќе бидат селектирани врз основа на конкурс, во кој ќе бидат поставени критериумите за пријавување од страна на организаторот.
- Еднаш годишно, а по потреба и почесто, МИМ врши истражувања на потребите на своите членови, користејќи прашалници, метод на фокус групи, работилници, неформални средби, посета на медиумите и сл. Добиените резултати Институтот ги користи за подготовка и модифицирање на својот план на активности, со цел тој да одговара на потребите на членовите.
- Членовите имаат право еднаш годишно да побараат еднодневни бесплатни консултации со кои се “скенираат“ потребите на медиумите од аспект на компетенциите што ги има Институтот.
- Членовите бесплатно ги добиваат сите публикации на Институтот кои се финансирани преку донации (книги, брошури, информатори, билтени, резултати од истражувања).
- Членовите бесплатно ја користат библиотеката на МИМ.
- Членовите бесплатно ја користат компјутерската опрема во Институтот и приклучокот на Интернет во деновите кога не се одржуваат други програми во училниците.
Секој медиум или организација, доколку сака да се квалификува како член на Собранието на корисници, мора да ги исполнува следните услови:
- Да биде регистриран како правен субјект според македонскиот закон
- Неговото седиште да се наоѓа во Македонија
- Да спроведува програми/проекти и активности во согласност со своите зацртани цели и полиња на делување и активно да работи најмалку 3 месеци
- Приватните медиуми да објавуваат или емитуваат вести од сопствена продукција, како и други видови на сопствени програми
Медиумите и останатите правните субјекти (здруженија, асоцијации, професионални и невладини организации), освен пополнетиот формулар за аплицирање, треба да ја поднесат и следната документација:
- Oфицијална регистрација од надлежните органи како доказ дека апликантот е правен субјект во РМ
- Kопии од решението за добиена концесија и дозвола за работа за електронските медиуми и копија од решението со кое печатените медиуми се заведени во регистарот на Агенцијата за информирање на РМ
- Статут и Програма за работа за здруженијата, асоцијациите, професионалните и невладините организации, податоци за нивното членство, како и листа на спроведени активности за најмалку 3 месеци
- Податоци за бројот на вработените во медиумите и медиумските организации верифицирани од одговорното лице во организацијата.
Потребната документација треба да ја доставите на адреса:
Македонски Институт за медиуми ул: Јуриј Гагарин 17-1/11 1000 Скопје Р. Македонија.
Комисијата може да побара дополнителни материјали или повика официјални претставници на медиумите и правните тела на состанок, со цел да добие дополнителни информации. Доколку апликантот не ги достави материјалите и информациите побарани од Комисијата, тогаш Комисијата може да не му го одобри членството или да го одложи донесувањето на одлуката.
Претставниците на медиумите кои ќе учествуваат на Собранието на корисници ќе треба да презентираат официјално одобрение за застапување издадено од медиумот/медиумската организација.
