Родители жртвуваат кариера и даваат откази од работа само за да останат дома со своето хендикепирано дете. Зошто децата со хендикеп немаат соодветни услови за образование? Зошто не може да се спречи сегрегацијата при вработување на хендикепираните и како да престанат да се кршат нивните работнички права? Какви бариери им поставува државата? 10 до 15 отсто од граѓаните имаат некаков хендикеп, а нема кој да им излезе во пресрет. Исплашени, посрамотени и исклучени од општеството многумина од нив цел живот го минуваат затворени. Оваа видео сторија прикажува неколку животни приказни на лица со хендикеп кои го надминале тоа и недостатокот го претвориле во предност. Соговорниците потврдија дека тие се навистина сложувалката која недостасува.

Медиумската oпсерваторија на Југоисточна Европа ги поканува заинтересираните граѓански организации да аплицираат со предлог- проекти поврзани со спроведување кампањи за подигање на јавната свест и застапување, како и со спроведување активности чија цел е да се поддржат слободните, независни, плуралистички и одржливи медиуми во Албанија, Босна и Херцеговина, Косово, Македонија, Црна Гора и Србија. Краен рок за аплицирање е 25 јули, 2015 година, до 24 часот.

Институтот за демократија „Социетас Цивилис“ Скопје (ИДСЦС), Охрид институтот за економски стратегии и меѓународни односи (ОИ) и Македонскиот институт за медиуми (МИМ) во рамки на проектот „Граѓанска мрежа за спречување на конфликт на интереси во јавната администрација“ објавуваат:

Продлабочување на релациите меѓу граѓанските организации и медиумите со цел поттикнување заеднички граѓански иницијативи и развивање истражувачки приказни кои се однесуваат на прекршување на човековите права, се некои од клучните поенти истакнати на Конференција „Унапредување на соработката меѓу граѓанските организации и медиумите за промоција на човековите права“, што ја организираше МИМ на 18 април 2013г.

Македонскиот институт за медиуми ги поканува сите заинтересирани граѓански организации кои работат во областа на човековите права, да се вклучат и да учествуваат во активностите од проектот „Зајакнување на соработката помеѓу граѓанските организации и медиумите за унапредување на човековите права и слободата на изразување“.

Медиумите и граѓанските организации коишто работат во областа на човековите права, ќе имаат можност поблиску да соработуваат и да изградат ефикасни релации за промоција на човековите права и на слободата на изразувањето преку проектот „Зајакнување на соработката помеѓу граѓанските организации и медиумите за унапредување на човековите права и слободата на изразување“. Активностите ќе ги спроведува Македонскиот институт за медиуми, во соработка со Центарот за независно новинарство од Букурешт, Романија во текот на оваа година.

Четиринаесет претставници на граѓански организации од земјава и активисти - индивидуалци учествуваа на првиот дел од работилницата посветена на користењето на он-лајн платформите за граѓански активизам од областа на човековите и малцинските права. Меѓу другото, учесниците имаа можност да се запознаат со начините на користење на интерактивната веб платформа www.aktiv.org.mk создадена од МИМ, чијашто експериментална верзија веќе може да се види на Интернет.

Македонскиот институт за медиуми (МИМ) изразува поддршка на  иницијативата покрената од страна на Самостојниот синдикат на новинарите и на медиумските работници и Здружението на новинарите на Македонија за протестниот марш за солидарност закажан за утре, 4 јули, во пет до дванаесет пред просториите на ЗНМ.