Десет истражувачи и претставници на медиумски и граѓански организации од Македонија учествуваа на работилницата за дизајнирање и планирање применети и акциски истражувања во медиумската сфера, што ја организираше Македонскиот институт за медиуми, во соработка со Мировниот институт од Љубљана, од 23 до 25 јуни во Охрид.

Како да комуницираме со различни целни групи, како да подготвиме ефикасни јавни презентации, како да препознаеме стереотипи и говор на омраза и да го избегнеме нивното користење во училиштата и јавната комуникација? Ова се само дел од содржините кои беа опфатени на работилниците со членовите на училишните тимови за интеграција, што се одржаа во текот на 2013 и 2014 година.

Речиси петстотини наставници и ученици од средните училишта од цела Македонија учествуваа на обуките за продукција на мултимедијални содржини во контекст на меѓуетничката интеграција во образованието, што ги спроведуваше Македонскиот институт за медиуми, како дел од Проектот на УСАИД за меѓуетничка интеграција во образованието.

Активисти од десеттина граѓански организации во текот на октомври 2014, како дел од проектот „Граѓанска мрежа за спречување на конфликт на интереси во јавната администрација“, беа обучени за застапување и комуникациски вештини.

Како истражувачкото новинарство може да помогне во заштита на човековите права и како да се користат можностите што ги пружаат новите технологии за прибирање податоци и ефективна визуелизација на истражувачките приказни, беа некои од темите на тридневната обука за истражувачко новинарство што ја организираше МИМ.

Како дел од проектот “Унапредување на медиумската писменост во образованието во Македонија“, во организација на Македонскиот институт за медиуми и Институтот за демократија, со поддршка на програмата “Матра“ од Министерството за надворешни работи на Кралството Холандија, од 21 до 24 јуни, во Охрид, се одржаа четири обуки за наставници и професори по мајчин јазик од охридско-струшкиот регион.

Вкупно 15 претставници од 9 граѓански организации учествуваа на обуката за користење Интернет платформи за промовирање на активностите и резултатите на граѓанските организации, што се одржа од 16 до 18 декември 2009 година во просториите на МИМ.