Новости

Med Pis

Активен ангажман на сите релевантни чинители е неопходен за унапредување на медиумската писменост

Медиумската и информациската писменост претставуваат животни вештини кои треба да ги совладаат сите граѓани, како активни чинители во едно демократско општество. Засега, државите и останатите релевантни актери во оваа сфера немаат ниту доволно разбирање за концептот на медиумската писменост и за нејзиното значење во општеството, ниту доволно волја за нејзино спроведување. Поради тоа, за развој на медиумската и информациската писменост потребен е еден сеопфатен приод и вклучување на сите засегнати страни на национално, регионално и европско ниво. Ова се некои од заклучоците на регионалната конференцијата „Медиумската писменост и образовните потреби на новинарите и на публиката“, што се одржа на 28 и 29 март во Скопје во организација на Македонскиот институт за медиуми. Конференцијата се организираше во рамки на регионалниот проект „Партнерство за развој на медиумите во Југоисточна Европа“, кој го спроведува Центарот за независно новинарство од Романија во соработка со осум медиумски организации од Албанија, Босна и Херцеговина, Србија, Црна Гора, Македонија и Бугарија, а со поддршка од Европската Унија. На конференцијата учествуваа педесетина експерти од медиумската сфера, академијата, граѓанскиот сектор, претставници на институции и на меѓународни организации од земјите на Југоисточна Европа и од Турција.   Учесниците имаа прилика да дискутираат за наодите и препораките од споредбениот извештај за медиумската писменост и образовните потреби на новинарите и на публиката во Албанија, Босна и Херцеговина, Македонија, Србија и Црна Гора. Притоа, се разговараше за моделите на новинарското образование и за состојбата со медиумската писменост на публиката, како и за нивното значење за слободата на изразување и слободата на медиумите. Дискутантите заклучија дека државите треба да овозможат неопходна поддршка за вклучување на програмите за медиумска и информациска писменост во образовниот процес од најрана возраст и да придонесат кон поголема промоција на медиумската едукација на граѓаните. Во тој процес, граѓанските организации треба да бидат активен партнер преку развивање на иновативни проекти и кампањи за подигање на свеста на граѓаните за важноста на медиумската писменост во насока на унапредување на демократските вредности. Заклучокот беше дека во речиси сите земји од регионот е неопходно унапредување и модернизирање на програмите за новинарско образование, преку поголема соработка со медиумската индустрија и професионалните здруженија, со цел на студентите да им се овозможи учење преку пракса и стекнување на основно искуство во новинарската професија. Фото-галеријата од настанот е достапна тука  
Nis17

Сторијата за мистериозната смрт на Коста Крпач најдобра истражувачка сторија за 2016

Миомир Серафиновиќ и Снежана Лупевска-Созен го освоија првото место на годинешниот конкурс на МИМ за новинарската награда „Никола Младенов“ за најдобра истражувачка сторија. Победничката сторија, објавена во емисијата „КОД“ на ТВ Телма, ги истражува околностите за мистериозната смрт на Коста Крпач, сведок на Специјалното обвинителство и едно од аболицираните лица од страна на претседателот. Сторијата обелодени детали и моменти поврзани со трагичниот настан кои подоцна се потврдија во истрагата која сè уште трае, иако Јавното обвинителство процени дека станува збор за самоубиство. Втората награда ја доби Зоран Јованоски за видео-сторијата „Пеплиште на смртта“, објавена во емисијата „360 степени“ на ТВ Алсат-М. Сторијата ги открива застрашувачките последици по здравјето на луѓето и на животната средина предизвикани од работењето на термоцентралата Осломеј, во време кога државата најавува дека ќе го продолжи нејзиниот животен век. Ирена Мулачка, новинарка во неделникот „Фокус“ е третонаградена на конкурсот за серијалот текстови кои обелоденуваат застрашувачки податоци за смртта на 80 новороденчиња на скопската Клиника за гинекологија за само шест месеци. Годинава жири-комисија одлучи да им додели пофалници за истакнат новинарски ангажман на новинарите Владо Апостолов за сториите „Дамки врз тендерот за чистење на Владата“, „Како жолтата зграда прерасна во неокласичен дворец“, „Гласачи живеат во Свети Николе, ама на скопски адреси“ и  серијалот истражувања за „Имотот на Владимир Здравев“, објавени на интернет-порталот „Призма“, како и на Стојанка Митреска за сторијата „Печуркарата во Свети Николе мувлоса предвреме“, исто така, објавена на интернет-порталот „Призма“. Оваа година, МИМ по 16-ти пат ја додели наградата за најдобра истражувачка сторија на годината, како дел од заложбите за унапредување на професионалното новинарство и на демократските вредности во земјава. Деталниот извештај на комисијата која ги разгледуваше пријавените стории е достапен во прилог. Линковите од наградените стории се прикачени во продолжение: Сторија за мистериозната смрт на Коста Крпач Пеплиште на смртта Серијал текстови за скандалот на скопската Клиника за гинекологија каде само за шест месеци починаа повеќе од 80 новороденчиња  Фото-галеријата од доделувањето може да ја погледнете тука. Извештај на жири-комисијата79.52 KB
R.a1

Професионални новинари и медиумски писмена публика – клучни за активно граѓанско учество во општествените промени

Медиумската писменост на публиката и образовните потреби на новинарите беа во фокусот на стручната расправа и дводневната работилница што ги организираше Македонскиот институт за медиуми, во соработка со Центарот за независно новинарство од Романија, како дел од регионалниот проект „Партнерство на Југоисточна Европа за развој на медиумите“, кој е финансиран од Европската Комисија. Перспективите и предизвиците во однос на воведувањето на концептот на медиумска писменост во македонското општество, како и улогата на новинарско образование во афирмирање на професионализмот во новинарската професија, беа тема на стручната расправа на која учествуваа претставници на факултети по новинарство, средни училишта, регулаторното тело, медиуми и граѓански организации кои делуваат во областа на медиумската писменост. На настанот беа претставени наодите и препораките од „Истражувањето за образовните потреби на новинарите и медиумската писменост на публиката во Македонија“, што го реализираше истражувачкиот тим на МИМ. Во однос на медиумската писменост на публиката, учесниците се согласија дека, покрај ангажманот на граѓанските организации, потребно е поактивно вклучување и на надлежните државни институции, како од апсект на воведување на медиумската писменост во образованието уште од најмала возраст, така и од аспект на едуцирање на повозрасната публика, преку кампањи од јавен интерес. Запоставувањето на професионалните стандарди во новинарството и повеќегодишната криза во медиумска сфера негативно се одразуваат врз младите новинари и студенти кои допрва треба професионално да се надградуваат. Во таа насока, дискутантите истакнаа дека е неопходен поголем ангажман на факултетите по новинарство за подобро да ги подготват идните новинари за работа во редакциите. Според дел од учесниците, факултетите треба да обезбедат ефективен баланс помеѓу теоријата и практичните вештини, да ја зајакнат соработката со медиумите во насока на обезбедување практична работа за студентите, да ги ревидираат наставните програми со вклучување на локални примери од секојдневието и да образуваат новинари кои ќе работат етички, професионално и во интерес на јавноста. Пред стручната расправа, беше организирана и дводневната работилница за улогата на медиумска писменост за поактивно вклучување на граѓаните во демократските процеси, која ја водеа Кристина Лупу и Јоана Авадани од Центарот за независно новинарство од Романија, како и Зоран Бојаровски, долгогодишен новинар и уредник во македонските медиуми. Учесниците се запознаа со концептот на медиумската писменост и неговото практикување во светски рамки, наспроти локалните перспективи, а дискутираа и за улогата на различните институционални и вонинституционални актери за унапредување на медиумската писменост. Тие развиваа идеи за кампањи за застапување на концептот на медиумска писменост и неговото значење за едно демократско општество. Извештајот од „Истражувањето за образовните потреби на новинарите и медиумската писменост на публиката во Македонија“ е достапен во продолжение:   Истражување за образовните потреби на новинарите и за медиумската писменост922.43 KB
Forum

Новинарството растргнато меѓу професионалните принципи и бизнисот

Медиумскиот бизнис и новинарството и улогата на државните институции во заштитата на медиумскиот интегритет, беа главните теми на Форумот „Интегритетот на медиумите и финансирањето - регионални искуства и домашни перспективи“ што го организираше Македонскиот институт за медиуми во рамки на регионалниот проект „Медиумска опсерваторија на Југоисточна Европа“.
Storija1

Новинарски стории за суштинските проблеми на граѓаните

Македонскиот институт за медиуми, во партнерство со Центарот за истражувачко новинарство – СКУП Македонија, започнуваат со објавување на серијал новинарски стории на теми кои третираат суштински проблеми на граѓаните, од областа на социјална и здравствена заштита, дискриминација, заштита на животна средина, миграции итн. Сториите ги подготвува тим на искусни новинари, во соработка со граѓански организации, кои располагаат со искуство и експертиза за конкретните општествени проблеми. Новинарските стории се изработуваат во рамки на проектот „Известување за граѓанското општество и неговото влијание брз промените во општеството“, што го спроведуваат МИМ и СКУП со поддршка на програмата ЦИВИКА мобилитас. Во продолжение може да ја проследите првата видео-сторија на тема: Лица со хендикеп – сложувалка што недостасува Родители жртвуваат кариера и даваат откази од работа само за да останат дома со своето хендикепирано дете. Зошто децата со хендикеп немаат соодветни услови за образование? Зошто не може да се спречи сегрегацијата при вработување на хендикепираните и како да престанат да се кршат нивните работнички права? Какви бариери им поставува државата? 10 до 15 отсто од граѓаните имаат некаков хендикеп, а нема кој да им излезе во пресрет. Исплашени, посрамотени и исклучени од општеството многумина од нив цел живот го минуваат затворени. Оваа видео сторија прикажува неколку животни приказни на лица со хендикеп кои го надминале тоа и недостатокот го претвориле во предност. Соговорниците потврдија дека тие се навистина сложувалката која недостасува.    Сторијата со превод на албански јазик е достапна тука.
F1 1

Без ангажирани граѓани, истражувачкото новинарство е немоќно

При злоупотребата на буџетски средства од страна на институциите, граѓаните вообичаено немаат јасна претстава дека станува збор за енормни суми и дека тоа се, пред се, јавни пари. Затоа новинарите истражувачи треба да најдат алтернативни, понекогаш и визуелни начини како да им ги доближат тие информации на граѓаните. Дополнително, новинарите треба да вложат доволно енергија и да посветат повеќе внимание за да ги убедат граѓаните да учествуваат со нивни лични сведоштва во истражувачките приказни. Ова беа некои од поентите што новинарите Мери Јордановска од Истражувачката мрежа БИРН и Влатко Стојановски од неделникот Фокус ги истакнаа на дебатата „Истражувачко новинарство – за да се дознае вистината“, во организација на Македонскиот институт за медиуми и Центарот за истражувачко новинарство СКУП. Настанот е дел од четиригодишниот регионален проект „Медиумска опсерваторија на Југоисточна Европа“, во кој МИМ учествува како национален партнер. Проектот е финансиски поддржан од Европската Унија. Новинарите истражувачи зборуваа за предизвиците и проблемите со кои се соочуваат при пишување на истражувачките стории, но порачаа дека  треба да се биде упорен во трката со времето, истраен во деталното проверување на информациите и непоколеблив пред притисоците. Новинарот Горан Лефков од СКУП ги охрабри колегите новинари што почесто да го користат Законот за пристап до информации од јавен карактер, но и секогаш да се обидат да ги потврдуваат информациите од повеќе извори. „Истражувачкото новинарство е немоќно доколку институциите, политиката и граѓаните се инертни, а медиумите не се меѓусебно солидарни,“ заклучи Зоран Иванов, долгогодишен новинар и уредник, според кого, јавноста се повеќе бара истражувачки стории, а во државава постојат само неколку „енклави“ како СКУП, БИРН и Фокус, кои го негуваат овој тип на новинарство.    Во рамки на настанот беа промовирани публикација, како и три кратки видеа на тема истражувачко новинарство.   
Debata

Дебата: Истражувачко новинарство - за да се дознае вистината

Центарот за истражувачко новинарство СКУП - Македонија, утре (среда, 19 октомври) организира дебата на тема „Истражувачко новинарство - за да се дознае вистината“, која ќе се одржи во просториите на ЕУ Инфо центарот, со почеток во 11:00 часот. Дебатата е дел од регионалниот проект „Медиумска опсерваторија на Југоисточна Европа“, чиј што национален партнер е МИМ. Проектот е финансиран од Европската Унија. Дневниот ред може да го погледнете тука.  
DSC 1782

Обука за грантисти за административно и финансиско водење на европски проекти

Обука за административно и финансиско водење на европски проекти, беше организирана од страна на МИМ за претставници од невладините организации кои се доботници на грантови во рамки на проектот #Реформедиа – Унапредување на соработката меѓу граѓанското општество, институциите и граѓаните за спроведување реформи во медумската сфера.
Reformedia2

Повик за доделување грантови за зајакнување на интегритетот на медиумите

МИМ објавува повик за доделување грантови за граѓански организации, професионални здруженија и еснафски организации на новинари и медиумски работници, со цел да се зголеми влијанието на граѓанското општество во насока на зајакнување на интегритетот на медиумите во земјава.