Седум од најистакнатите медиумски фондации во Европа го објавија конкурсот за Европската награда за новинарство за 2012 година, со цел да се награди квалитетот во новинарството во сите 47 земји во Европа. Тие веруваат дека оддавајќи признание на сериозното пишување и известување - во печатено издание или на веб-сајтот на весникот - може да се помогне во зголемувањето на улогата на новинарството како витален бранител на слободите на демократијата.
Во првата година од доделувањето, четири награди, секоја во висина од 10,000 евра, ќе бидат доделени во следниве категории:
Новости
Медиумите играат значајна улога во откривањето случаи на прекршување на човековите права, но и во разрешувањето на тие злоупотреби. Без оглед на која платформа функционираат, медиумите се клучни за подигање на свеста за повредите на човековите правата, за информирање на граѓаните за нивните права, како и за поттикнување на дискусија во врска со улогата на властите, правните кодекси и меѓународните механизми за заштита на тие права.
Група од 4 новинари од национални и локални медиуми од земјава учествуваа на семинарот “Фокусирање на институциите на ЕУ лоцирани во Луксембург“, што се одржа од 21 до 28 јуни, во Скопје и Луксембург. Семинарот, што по трет пат го организираат Македонскиот институт за медиуми и Европскиот центар за новинарство, има за цел да придонесе кон подобрување на квалитетот на новинарското известување за европските прашања преку подобро запознавање со институциите на ЕУ и процесот на одлучување.
Одземањето на дозволата за емитување на А2 телевизија од страна на Советот за радиодифузија поради непочитување на програмскиот формат сериозно ја загрозува слободата на изразувањето и медиумскиот плурализам во Р.Македонија.
Членот 63 од Законот за радиодифузија не содржи експлицитна одредба дека основ за одземање на дозвола може да биде непочитување на програмскиот формат. Експертите на Советот на Европа, при изготвувањето на Законот за радиодифузија од 2005 година, децидно предупредија дека таква одредба во законот не смее да постои, заради можноста од нејзина злоупотреба.
Тројца новинари од Босна и Херцеговина кои работат во различни медиуми, беа во десетдневна посета на Македонија,каде ја остварија предвидената пракса во ромската редакција на МТВ 2 и произведоа телевизиски прилози за емисијата на ромски јазик „Бијандипе“.
Скопје, 3 мај, 2012
Меѓународниот ден на слободата на медиумите, 3ти мај, и годинава во Македонија се одбележува во услови на значително нарушени медиумски слободи. Доказ за тоа се и забелешките и извештаите од бројни меѓународни организации, вклучувајќи го и последниот извештај на влијателната американска организација Фридом хаус, според кој Македонија е рангирана последна во регионот.
Многу настани и случувања за чија штетност предупредувавме и алармиравме во текот на изминатата година ја формираа лошата слика за медиумите во Македонија. Дел од нив се:
Новинари од целиот свет, најдоцна до 7 мај 2012г, може да се пријават за програмата “Новинарството во дигиталниот свет“, што ја спроведува Меѓународната академија за новинарство, основана од Бертелсман (Bertelsmann).
Програмата е наменета за новинари од земјите со ограничена или загрозена слобода на печатот. Учесниците во програмата ќе имаат можност да ги усовршат своите вештини од областа на истражувачкото новинарство, новинарските форми за претставување на интернет, продукција на веб содржини, снимање и обработка на видеа за веб, интернет политики, и етичките стандарди во медиумите.
Избраните кандидати ќе бидат дел од десетмесечната програма, која ќе стартува на 2 септември 2012 г, а ќе се реализира во Хамбург, Келн и Берлин.
Новинарките Сашка Цветковска и Наташа Стојановска ја добија првата награда на конкурсот на МИМ “Најдобра истражувачка сторија за 2011година“ за сторијата “Списоци“, објавена на А1 ТВ.
Втората награда ја освои новинарот Максим Ристески за серијалот текстови во врска со аферата “Тарбс“, објавени во дневниот весник „Капитал“, а третата награда ја делат Александар Динев, новинар на ТВ Сител, за прилозите на тема “Посвојување“, и новинарката на “Дневник“, Милена Атанасоска Манасиева за серијалот написи “Досие продажба на докторати и магистерски“.
Македонскиот институт за медиуми, на 30 март (петок), во Клубот на новинарите, со почеток во 11 часот, ќе ги додели наградите за „Најдобра истражувачка сторија за 2011 година".
На годинешниот конкурс се пријавија 22 автори со вкупно 146 текстови и ТВ прилози кои беа објавени во печатените и во електронските медиуми во текот на минатата година.
Наградата се доделува традиционално веќе единаесет години како дел од заложбите за унапредување на професионалното новинарство и на демократските вредности во земјава. И оваа година организацијата на наградата е целосно финансирана од Македонскиот институт за медиуми.
Медиумската промоција за наградата беше помогната од дневните весници Дневник и Коха.